Ebilfumin (oseltamivir) – Sommarju tal-karatteristiċi tal-prodott - J05AH02

1.ISEM IL-PRODOTT MEDIĊINALI

Ebilfumin 30 mg kapsuli ibsin

Ebilfumin 45mg kapsuli ibsin

Ebilfumin 75mg kapsuli ibsin

2.GĦAMLA KWALITATTIVA U KWANTITATTIVA

Ebilfumin 30 mg kapsuli ibsin

Kull kapsula iebsa fiha oseltamivir phosphate ekwivalenti għal 30 mg ta’ oseltamivir. Għal-lista kompluta ta’ eċċipjenti, ara sezzjoni 6.1.

Ebilfumin 45 mg kapsuli ibsin

Kull kapsula iebsa fiha oseltamivir phosphate ekwivalenti għal 30 mg ta’ oseltamivir. Għal-lista kompluta ta’ eċċipjenti, ara sezzjoni 6.1.

Ebilfumin 75 mg kapsuli ibsin

Kull kapsula iebsa fiha oseltamivir phosphate ekwivalenti għal 75 mg ta’ oseltamivir. Għal-lista kompluta ta’ eċċipjenti, ara sezzjoni 6.1.

3.GĦAMLA FARMAĊEWTIKA

Ebilfumin 30 mg kapsuli ibsin

Il-kapsula iebsa fiha qiegħ u kappa, ta' lewn isfar skur bil-marka sewda “OS 30”. Daqs tal-kapsuli: 4.

Il-kapsula fiha trab abjad iggranulat.

Ebilfumin 45 mg kapsuli ibsin

Il-kapsula iebsa fiha qiegħ ta’ lewn abjad u kappa ta' lewn isfar skur bil-marka sewda “OS 45”. Daqs tal-kapsuli: 4.

Il-kapsula fiha trab abjad iggranulat.

Ebilfumin 75 mg kapsuli ibsin

Il-kapsula iebsa fiha qiegħ ta’ lewn abjad u kappa ta' lewn isfar skur bil-marka sewda “OS 75”. Daqs tal-kapsuli: 2.

4.TAGĦRIF KLINIKU

4.1Indikazzjonijiet terapewtiċi

Il-kura tal-influwenza

Ebilfumin huwa indikat f’adulti u tfal, fosthom trabi li twieldu qabel iż-żmien, li jkollhom is-sintomi tipiċi tal-influwenza, meta jkun hemm il-passa tal-virus tal-influwenza fil-komunità. L-effikaċja ntweriet meta l-kura nbdiet fi żmien jumejn mill-bidu tas-sintomi.

Il-prevenzjoni tal-influwenza

-Il-prevenzjoni wara l-espożizzjoni f’individwi minn sena 'l fuq wara li jkollhom kuntatt ma' każ ta' influwenza ddijanjostikat klinikament meta jkun hemm l-passa tal-virus tal-influwenza fil- komunità.

-L-użu xieraq ta’ Ebilfumin għall-prevenzjoni tal-influwenza għandu jiġi kkunsidrat każ b'każ skont iċ-ċirkustanzi u l-popolazzjoni li teħtieġ il-protezzjoni. F'sitwazzjonijiet mhux tas-soltu (eż.

f'każi fejn l-istrains tal-vaċċin ma jaqblux ma dawk tal-virus li jkun qed jikkawza l-influwenza, u f'sitwazzjoni pandemika), il-prevenzjoni għall-istaġun tista' tiġi kkunsidrata f’individwi minn sena 'l fuq.

-Ebilfumin huwa ndikat għall-prevenzjoni tal-influwenza wara espożizzjoni fi trabi b’età inqas minn sena waqt tifqigħa ta’ influwenza pandemika (ara sezzjoni 5.2).

Ebilfumin mhux sostitut għat-tilqima kontra l-influwenza.

L-użu ta' antivirali għall-kura u l-prevenzjoni tal-influwenza għandu jiġi ddeterminat a bażi ta' rakkomandazzjonijiet uffiċjali. Deċiżjonijiet dwar l-użu ta’ oseltamivir għall-kura u l-profilassi għandhom jieħdu f’kunsiderazzjoni dak li huwa magħruf dwar il-karatteristiċi tal-virusis tal- influwenza li qed jiċċirkolaw, l-informazzjoni disponibbli dwar tendenzi għal suxxettibilità għall- mediċini tal-influwenza għal kull staġun u l-impatt tal-marda f'żoni ġeografiċi u popolazzjonijiet ta' pazjenti differenti (ara sezzjoni 5.1).

4.2Pożoloġija u metodu ta’ kif għandu jingħata

Pożoloġija

Il-kapsuli ibsin ta’ Ebilfumin huma sustanzi bioekwivalenti. Dożi ta' 75 mg jistgħu jingħataw jew bħala

-kapsula waħda ta' 75 mg jew

-kapsula waħda ta' 30 mg flimkien ma' kapsula waħda ta’ 45 mg

Trab ta’ oseltamivir manifatturat kummerċjalment għal suspensjoni orali (6mg/ml) huwa l-prodott preferut għal pazjenti pedjatriċi u adulti li għandhom diffikultajiet biex jibilgħu kapsuli jew fejn huma meħtieġa dożi aktar baxxi..

Adulti u adoloxxenti minn 13-il sena ’l fuq

Kura: Għall-adoloxxenti (b’età minn 13 sa 17-il sena) u l-adulti d-doża orali rrakkomandata hija ta’ 75 mg oseltamivir darbtejn kuljum għal ħamest ijiem.

Il-kura għandha tinbeda mill-aktar fis possibli fi żmien jumejn mill-bidu tas-sintomi tal-influwenza.

Prevenzjoni wara espożizzjoni: Għall-adoloxxenti (b’età minn 13 sa 17-il sena) u l-adulti d-doża rrakkomandata għall-prevenzjoni tal-influwenza wara li jkun sar kuntatt mill-qrib ma’ individwu infettat hija ta’ 75 mg oseltamivir darba kuljum għal għaxart ijiem.

It-terapija għandha tibda mill-aktar fis possibbli fi żmien jumejn minn meta l-pazjent ikun ġie espost għall-individwu infettat.

Prevenzjoni waqt epidemija tal-influwenza fil-komunità:

Id-doża rrakkomandata għall-prevenzjoni tal-influwenza waqt tifqigħa tal-influwenza fil-komunità hija ta’ 75 mg oseltamivir darba kuljum għal perijodu sa 6 ġimgħat.

Popolazzjoni Pedjatrika

Tfal mill-eta’ ta’ sena sa tnax-il sena

Għal trabi u tfal b’età ta’ sena jew aktar hemm disponibbli kapsuli Ebilfumin ta’ 30 mg, 45 mg u ta’ 75 mg.

Kura: Il-korsijiet ta’ dożaġġ aġġustati għall-piż li ġejjin huma rrakkomandati għall-kura ta’ trabi u tfal b’età ta’ sena jew aktar:

Il-kura għandha tinbeda mill-aktar fis possibli fi żmien jumejn mill-bidu tas-sintomi tal-influwenza.

Prevenzjoni wara espożizzjoni: Id-doża ta’ Ebilfumin rrakkomandata għall-prevenzjoni tal-influwenza wara espożizzjoni hija:

Prevenzjoni waqt epidemija ta’ influwenza fil-komunità: Prevenzjoni waqt epidemija ta’ influwenza ma ġietx studjata fi tfal b’età inqas minn 12-il sena.

Trabi mill-eta’ ta’ 0 sa 12-il xahar

Kura: Id-doża ta’ kura rrakkomandata għal trabi ta’ 0 – 12-il xahar t’età hija 3 mg / kg darbtejn kuljum

. Dan huwa bbażat fuq tagħrif farmakokinetiku u sigurtà li jindika li din id-doża fi trabi ta’ 0 - 12 - il xahar tipprovdi konċentrazzjonijiet fil-plażma tal-pro-droga u l-metabolit attiv li huma antiċipati li huma klinikament effikaċi bi profil ta' sigurtà komparabbli ma' dik osservata fi tfal akbar u adulti (ara sezzjoni 5.2). Ir-reġimen tad-dożaġġ li ġejja hija rrakkomandata għall-kura tat-tfal t’eta’ 0 - 12 - il xahar:

*Din it-tabella mhix maħsuba biex ikun fiha l-piżijiet kollha possibbli għal din il-popolazzjoni. Għal pazjenti kollha taħt l-età ta’ sena, id-doża ta’ 3 mg / kg għandha tintuża biex tiddetermina id-doża irrispettivament mill- piż tal-pazjent.

Il-kura għandha tinbeda mill-aktar fis possibli fi żmien jumejn mill-bidu tas-sintomi tal-influwenza.

Din ir-rakkomandazzjoni ta' dożaġġ mhix maħsuba għat-trabi prematuri, jiġifieri dawk b'età ta’ inqas minn 36 ġimgħa wara li ġew ikkonċeputi. M’hemmx dejta suffiċjenti disponibbli għal dawn il-pazjenti, li għalihom jista’ jkun meħtieġ dożaġġ differenti minħabba l-immaturità ta’ funzjonijiet fiżjoloġiċi.

Prevenzjoni wara espożizzjoni:

Waqt tifqigħa ta’ influwenza pandemika, d-doża ta’ profilassi rrakkomandata għal trabi b’età inqas minn sena hija nofs id-doża ta’ kuljum għall-kura. Dan huwa bbażat fuq dejta klinika fi trabi u tfal

b’età ta’ sena jew aktar u adulti li turi li doża ta’ profilassi ekwivalenti għal nofs id-doża ta’ kuljum għall-kura hija klinikament effikaċi għall-prevenzjoni tal-influwenza. Il-kors ta’ dożaġġ għall- profilassi aġġustati huwa rrakkomandat għal trabi b’età ta’ 0 sa 12-il xahar: (ara Sezzjoni 5.2 għas- simluzzajoni tal- espożizzjoni)

Din ir-rakkomandazzjoniji ta’doża mhix maħsuba għal trabi prematuri, jiġifieri, dawk b’età ta’ inqas minn 36 ġimgħa minn wara l-konċepiment. M’hemmx dejta suffiċjenti disponibbli għal dawn il- pazjenti, li għalihom jista’ jkun meħtieġ dożaġġ differenti minħabba l-immaturità ta’ funzjonijiet fiżjoloġiċi.

Prevenzjoni waqt influwenza pandemika fil-komunita’: Prevenzjoni waqt influwenza pandemika għadu ma ġiex studjat fuq tfal ta’ età 0 – 12-il xahar.

Għal struzzjonijiet dwar il-preparazzjoni tal-formulazzjon improvizzata, ara sezzjoni 6.6.

Popolazzjonijiet speċjali

Indeboliment epatiku

M'hemm bżonn ta’ ebda tibdil fid-doża la għall-kura u lanqas għall-prevenzjoni, f'pazjenti li għandhom disfunzjoni epatika. Ma sarux studji f’pazjenti pedjatriċi b’disturbi epatiċi.

Indeboliment renali

Il-kura tal-influwenza: Huwa rrakkomandat tibdil fid-doża għall-adulti u adoloxxenti (b’età minn 13 sa 17-il sena) li jbatu minn indeboliment renali moderat jew sever. Id-dettalji tad-dożi rrakkomandati jidhru fit-tabella taħt.

*Dejta miksuba minn studji fuq pazjenti li jagħmlu dijalisi ambulatorja kontinwa tal-peritonew (CAPD); it- tneħħija ta’ oseltamivir carboxylate hija mistennija li tkun ogħla meta jintuża metodu ta’ dijalisi awtomatizzata tal-peritonew (APD). Il-metodu tal-kura jista’ jinbidel minn APD għal CAPD jekk ikun ikkunsidrat neċessarju minn nefroloġista.

Il-prevenzjoni tal-influwenza: Huwa rrakkomandat tibdil fid-doża għall-adulti u adoloxxenti (b’età minn 13 sa 17-il sena) li jbatu minn indeboliment renali moderat jew sever kif indikat fit-tabella taħt.

*Dejta miksuba minn studji fuq pazjenti li jagħmlu dijalisi ambulatorja kontinwa tal-peritonew (CAPD); it- tneħħija ta’ oseltamivir carboxylate hija mistennija li tkun ogħla meta jintuża metodu ta’ dijalisi awtomatizzata tal-peritonew (APD). Il-metodu tal-kura jista’ jinbidel minn APD għal CAPD jekk ikun ikkunsidrat neċessarju minn nefroloġista.

M’hemmx dejta klinika suffiċjenti disponibbli dwar trabi u tfal (b’età ta’ 12-il sena u anqas) b’indeboliment renali biex tkun tista’ ssir xi rakkomandazzjoni ta’ dożaġġ.

Anzjani

M’hemm bżonn l-ebda tibdil fid-doża, sakemm ma jkunx hemmx evidenza ta’ indeboliment renali moderat jew sever.

Pazjenti immunokompromessi

Tul ta’ żmien itwal ta’ profilassi staġjonali sa 12-il ġimgħa kien evalwat f’pazjenti immunokompromessi (ara sezzjonijiet 4.4, 4.8 u 5.1).

Metodu ta’ kif għandu jingħata

Użu orali.

Pazjenti li ma jistgħux jibilgħu kapsuli jistgħu jirċievu dożi xierqa preparazzjoni estemporanja, ara sezzjoni 6.6 għall-metodu ta’ preparazzjoni.

4.3Kontra-indikazzjonijiet

Sensittività eċċessiva għas-sustanza attiva jew għal kwalunkwe wieћed mill-eċċipjenti elenkati fis- sezzjoni 6.1.

4.4Twissijiet speċjali u prekawzjonijiet għall-użu

Oseltamivir huwa effettiv biss kontra mard ikkawżat mill-virusis tal-influwenza. M’hemm l-ebda evidenza ta’ effikaċja ta’ oseltamivir f’mard ieħor ikkawżat minn aġenti oħra barra l-virusis tal- influwenza (ara sezzjoni 5.1).

Oseltamivir mhux sostitut għat-tilqima kontra l-influwenza.

L-użu ta’ oseltamivir m’għandux jeffetwa l-evalwazzjoni ta’ individwi rigward it-tilqim annwali kontra l-influwenza. Il-protezzjoni kontra l-influwenza iddum biss sakemm ikun qed jingħata oseltamivir. Oseltamivir għandu jiġi użat biss għall-kura u l-prevenzjoni tal-influwenza meta dejta epidemjoloġika affidabbli tindika li l-virus tal-influwenza qiegħed jinfirex fil-komunità. Is- suxxettibilità ta’ razez tal-virus tal-influwenza li qed jiċċirkolaw għal oseltamivir intweriet li hija varjabbli ħafna (ara sezzjoni 5.1). Għalhekk, it-tobba għandhom jikkunsidraw l-aktar informazzjoni reċenti disponibbli dwar tendenzi għal suxxettibilità għal oseltamivir tal-virusis li qed jiċċirkolaw meta jiddeċiedu jekk jużawx oseltamivir.

Kondizzjonijiet severi fl-istess waqt

M'hemm l-ebda informazzjoni rigward is-sigurtà u l-effikaċja ta' oseltamivir f'pazjenti b'xi kondizzjoni medika li hija serja jew instabbli biżżejjed li jiġu kkunsidrati li qegħdin f'riskju imminenti li jintbagħtu l-isptar.

Pazjenti immunokompromessi

L-effikaċja ta' oseltamivir kemm fil-kura kif ukoll fil-profilassi tal-influwenza f'pazjenti immunokompromessi għadha ma ġietx stabbilita sew (ara sezzjoni 5.1).

Mard tal-qalb/ respiratorju

L-effikaċja ta' oseltamivir fil-kura ta' pazjenti b'mard kroniku tal-qalb u/jew mard respiratorju ma ġietx stabbilita. F’din il-popolazzjoni ma ġiet osservata l-ebda differenza fl-inċidenza ta' kumplikazzjonijiet bejn gruppi li ngħataw il-kura u oħrajn li ngħataw plaċebo (ara sezzjoni 5.1).

Popolazzjoni pedjatrika

Tabella 1 Reazzjonijiet avversi fi studji li nvestigaw oseltamivir għall-kura u l-prevenzjoni tal- influwenza fl-adulti u fl-adoloxxenti jew minn sorveljanza ta’ wara t-tqegħid fis-suq

Kura u prevenzjoni tal-influwenza fit-tfal:

Total ta’ 1473 tifel u tifla (inkluż tfal li minbarra l-influwenza huma f’saħħithom b’età minn sena sa 12-il sena u tfal ażżmatiċi b’età minn 6 sa 12-il sena) ipparteċipaw fi studji kliniċi dwar oseltamivir mogħti għall-kura tal-influwenza. Minn dawn, 851 tifel u tifla rċevew kura b’suspensjoni ta’ oseltamivir. Total ta’ 158 tifel u tifla rċevew id-doża rrakkomandata ta’ oseltamivir darba kuljum fi studju dwar il-profilassi wara espożizzjoni fi djar (n = 99), fi studju pedjatriku dwar profilassi tal- istaġun li dam 6 ġimgħat (n = 49) u fi studju pedjatriku dwar profilassi tal-istaġun li dam 12-il ġimgħa f’individwi immunokompromessi (n = 10).

Tabella 2 turi l-ARs irrappurtata bl-aktar mod frekwenti minn studji kliniċi fit-tfal.

Tabella 2 Reazzjonijiet avversi fi studji li nvestigaw oseltamivir għall-kura u l-prevenzjoni tal- influwenza fit-tfal (dożaġġ ibbażat fuq l-età/piż [30 mg sa 75 mg o.d.])

Disturbi psikjatriċi u disturbi fis-sistema nervuża

L-influwenza tista’ tkun assoċjata ma’ varjetà ta’ sintomi newroloġiċi u ta’ mġiba li jistgħu jinkludu avvenimenti bħal alluċinazzjonijiet, thewdin, u mġiba mhux normali, li f’xi każijiet iwasslu għal

riżultati fatali. Dawn l-avvenimenti jistgħu jseħħu f’sitwazzjoni ta’ enċefalite jew enċefalopatija iżda jistgħu jseħħu mingħajr marda serja ovvja.

F’pazjenti bl-influwenza li kienu qed jirċievu oseltamivir, kien hemm rapporti wara t-tqegħid fis-suq ta’ konvulżjonijiet u thewdin (inkluż sintomi bħal bidla fil-livell ta’ koxjenza, konfużjoni, mġiba mhux normali, delużjonijiet, alluċinazzjonijiet, aġitazzjoni, ansjetà, inkubi), li f’xi każijiet rari ħafna wasslu għall-ħsara lill-persuna nnifisha jew riżultati fatali. Dawn l-avvenimenti kienu rrappurtati primarjament fost pazjenti pedjatriċi u adoloxxenti u ħafna drabi kellhom bidu f’daqqa u għaddew malajr. Il-kontribuzzjoni ta’ oseltamivir għal dawn l-avvenimenti mhux magħrufa. Avvenimenti newropsikjatriċi bħal dawn kienu rrappurtati wkoll f’pazjenti bl-influwenza li ma kienux qed jieħdu oseltamivir.

Disturbi fil-fwied u fil-marrara

Disturbi fis-sistema tal-fwied u tal-marrara, inkluż epatite u żjieda fl-enżimi tal-fwied f’pazjenti b’marda li tixbaħ lill-influwenza. Dawn il-każijiet jinkludu epatite li tiżviluppa f’daqqa/insuffiċjenza

Popolazzjonijiet speċjali oħra

Popolazzjoni pedjatrika (trabi b’età inqas minn sena)

F'żewġ studji biex jikkaratterizzaw il-farmakokinetiċi, il-farmakodinamika u l-profil tas-sigurta’ ta' terapija oseltamivir, f’135 tifel u tifla infettati bl-influwenza u li għandhom inqas minn sena, il- profil tas-sigurtà kien simili fost gruppi ta' etajiet ghal rimettar , diarrohea u raxx tal-ħrieqi. Avvenimenti avversi kienu rrappurtati b'mod frekwenti (ara sezzjoni 5.2) . M'hemmx biżżejjed dejta disponibbli għal trabi li għandhom età ta’ inqas minn 36 ġimgħa mill-konċepiment.

Informazzjoni dwar is-sigurtà disponibbli dwar oseltamivir mogħti għall-kura tal-influwenza fi trabi b’età inqas minn sena minn studji ta’ osservazzjoni prospettivi u retrospettivi (li flimkien kienu jinkludu aktar minn 2,400 tarbija ta’ din il-klassi ta’ età), riċerka fid-databażi epidemjoloġiċi u rapporti ta’ wara t-tqegħid fis-suq, tissuġġerixxi li l-profil ta’ sigurtà fi trabi b’età inqas minn sena huwa simili għall-profil ta’ sigurtà stabbilit fi tfal b’età minn sena ’l fuq.

Pazjenti anzjani u pazjenti b’mard kardijaku u/jew respiratorju kroniku

Il-popolazzjoni inkluża fl-istudji dwar kura tal-influwenza kienet tikkonsisti minn adulti/adoloxxenti li minbarra l-influwenza kienu f’saħħithom u pazjenti “f’riskju” (pazjenti li għandhom riskju akbar li jiżviluppaw kumplikazzjonijiet assoċjati mal-influwenza, eż. pazjenti anzjani u pazjenti b’mard tal- qalb jew mard respiratorju kroniku). B’mod ġenerali, il-profil ta’ sigurtà fil-pazjenti “f’riskju” kien simili b’mod kwalitattiv għal dak f’adulti/adoloxxenti li minbarra l-influwenza kienu f’saħħithom.

Pazjenti immunokompromessi

Fi studju dwar il-profilassi ta’ 12-il ġimgħa f’475 pazjent immunokompromess, inkluż 18-il tifel u tifla b’età minn sena sa 12-il sena u akbar il-profil ta’ sigurtà fil-238 pazjent li rċevew oseltamivir kien konsistenti ma’ dak osservat qabel waqt studji kliniċi dwar profilassi b’oseltamivir.

Tfal b’ażżma tal-bronki eżistenti minn qabel

B’mod ġenerali, il-profil ta’ reazzjonijiet avversi fi tfal b’ażżma tal-bronki eżistenti minn qabel kien simili b’mod kwalitattiv għal dak ta’ tfal li minbarra l-influwenza kienu f’saħħithom.

Rappurtar ta’ reazzjonijiet avversi suspettati

Rappurtar ta 'reazzjonijiet avversi suspettati wara l-awtorizzazzjoni tal-prodott mediċinali hija importanti. Dan jippermetti l-monitoraġġ kontinwu tal-bilanċ ta 'benefiċċju / riskju tal-prodott mediċinali. Professjonisti tas-saħħa huma mitluba li jirrappurtaw kwalunkwe reazzjoni ħażina suspettata permezz tas-sistema ta 'rappurtar nazzjonali elenkata fl-Appendiċi V.

4.9Doża eċċessiva

Rapporti ta’ dożi eċċessivi ta’ oseltamivir kienu riċevuti minn provi kliniċi u waqt esperjenza ta’ wara t-tqegħid fis-suq. Fil-maġġoranza tal-każijiet li rrappurtaw doża eċċessiva, ma kinux irrappurtati avvenimenti avversi.

Avvenimenti avversi rrappurtati wara doża eċċessiva kienu simili fin-natura u d-distribuzzjoni għal dawk osservati b’dożi terapewtiċi ta’ oseltamivir, deskritti fis-sezzjoni 4.8 Effetti mhux mixtieqa.

Mhux magħruf antidotu speċifiku.Popolazzjoni pedjatrika

Doża eċċessiva kienet irrappurtata li seħħet b’mod aktar frekwenti meta oseltamivir ingħata lil tfal milli meta ngħata lill-adulti u adolexxenti. Għandu jkun hemm attenzjoni waqt il-preparazzjoni ta’ oseltamivir suspensjoni orali u meta jingħataw prodotti b’oseltamivir lit-tfal.

5.PROPRJETAJIET FARMAKOLOĠIĊI

5.1Proprjetajiet farmakodinamiċi

Kategorija farmakoterapewtika: Antivirali għall-użu sistemiku, inibituri ta’ neuraminidase Kodiċi ATC: J05AH02

Oseltamivir phospate huwa pro-droga tal-metabolu attiv (oseltamivir carboxylate). Il-metabolu attiv huwa inibitur selettiv tal-enżimi neuraminidase tal-virus tal-influwenza, li huma glikoproteini li jinstabu fuq is-superfiċje tal-virjon. L-attività tal-enżimi neuraminidase virali hija mportanti kemm għad-dħul tal-virus f’ċelluli mhux infettati kif ukoll għat-tluq tal-partiċelli tal-virus ffurmati riċentament miċ-ċelluli infettati u għat-tkomplija tal-firxa tal-virus infettiv fil-ġisem.

Oseltamivir carboxylate jinibixxi neuraminidases tal-influwenza A u B in vitro. Oseltamivir phosphate jinibixxi l-infezzjoni b’virus tal-influwenza u r-replikazzjoni in vitro. Oseltamivir mogħti mill-ħalq jinibixxi r-replikazzjoni u l-patoġeniċità tal-virus tal-influwenza A u B in vivo f'mudelli ta' annimali b’infezzjoni tal-influwenza b'espożizzjonijiet antivirali simili għal dik miksuba fil-bniedem b'75 mg darbtejn kuljum.

L-attività antivirali ta' oseltamivir għall-influwenza A u B ġiet sostnuta minn studji sperimentali li fihom ħadu sehem voluntiera f'saħħithom .

Il-valuri tal-enżima neuraminidase IC50 meta ngħata oseltamivir, għall-influwenza A iżolata, klinikament varjaw minn 0.1 nM sa 1.3 nM; u għall-influwenza B kienu 2.6 nM. Valuri ogħla ta’ IC50 għall-influwenza B, sa medjan ta' 8.5 nM, kienu osservati fi studji li ġew ippubblikati.

Studji kliniċi

Il-kura tal-infezzjoni tal-influwenza

L-indikazzjoni hija bbażata fuq studji kliniċi tal-influwenza li jseħħu b'mod naturali u li fihom l- infezzjoni predominanti kien influwenza A.

Oseltamivir huwa effettiv biss kontra l-mard ikkawżat mill-virus tal-influwenza. Għalhekk, l-analiżi statistiċi huma ppreżentati biss għal individwi infettati bl-influwenza. Fil-kampjun ta' popolazzjoni mħallta għall-istudju fuq il-kura, li kien jinkludi kemm pazjenti pożittivi kif ukoll oħrajn negattivi għall-influwenza (ITT), l-effikaċja primarja tnaqqset proporzjonalment skont n-numru ta' individwi negattivi għall-influwenza. Fil-popolazzjoni kollha li ngħatat l-kura, l-infezzjoni tal-influwenza ġiet ikkonfermata f'67 % (firxa minn 46 % sa 74 %) tal-pazjenti. Fost l-anzjani, 64 % kienu pożittivi għall- influwenza u fost dawk li għandhom mard tal-qalb kroniku u/jew mard resipiratorju 62 % kienu

pożittivi għall-influwenza. Fl-istudji kollha fuq il-kura tal-fażi III, il-pazjenti ġew reklutati biss waqt perijodu meta kien hemm il-passa tal-influenza fil-komunità lokali tagħhom.

L-adulti u l-adoloxxenti b’età minn 13-il sena 'l fuq: Il-pazjenti kienu eliġibbli għall-istudju jekk

irrappurtaw is-sintomi fi żmien 36 siegħa, jekk kellhom deni ta' 37.8 C, flimkien ma' tal-inqas sintomu respiratorju wieħed (sogħla, sintomi fl-imnieħer jew griżmejn jaħarqu) u almenu sintomu sistemiku wieħed (uġigħ fil-muskoli, tkexkix ta’ bard/għaraq, telqa, għeja jew uġigħ ta' ras). F'analiżi imħallta tal-adulti u l-adoloxxenti kollha li kienu pożittivi għall-influwenza (N = 2,413) li ħadu sehem fl-istudji dwar il-kura, l-għoti ta’ 75 mg oseltamivir darbtejn kuljum għal ħamest ijiem naqqas il- perijodu medjan tal-influwenza b'madwar ġurnata minn 5.2 jiem (95 % CI 4.9 – 5.5 jiem) fil-grupp li

ngħataw il-plaċebo għal 4.2 jiem (95 % CI 4.0 – 4.4 jiem; p 0.0001).

Il-proporzjon ta' individwi li kellhom kumplikazzjonijiet speċifikati fil-parti t’isfel tal-passaġġ respiratorju (prinċiparjament bronkite) li ġew ikkurati bl-antibijotiċi naqas minn 12.7 % (135/1,063) fil-grupp li ngħata l-plaċebo għal 8.6 % (116/1,350) fil-popolazzjoni li ġew ikkurati b’oseltamivir (p = 0.0012).

Il-kura tal-influwenza f’popolazzjonijiet b'riskju ogħli: Il-perijodu medjan ta’ kemm damet il-marda

tal-influwenza fl-anzjani ( 65 sena) u f'pazjenti b'mard kroniku tal-qalb u/jew mard respiratorju li ngħataw oseltamivir 75 mg darbtejn kuljum għal ħamest ijiem ma tnaqqasx b’mod sinifikanti. Il- perijodu totali li damu bid-deni tnaqqas b'ġurnata waħda fil-gruppi fejn kien qed jingħata oseltamivir. Fl-anzjani li kellhom l-influwenza, oseltamivir naqqas b’mod sinifikanti l-inċidenza ta' kumplikazzjonijiet speċifikati fil-parti t’isfel tal-passaġġ respiratorju (prinċiparjament bronkite) li ġew ikkurati bl-antibijotiċi minn 19 % (52/268) fil-grupp li ngħata l-plaċebo għal 12 % (29/250) fil- popolazzjoni kkurata b’oseltamivir (p = 0.0156).

Fost il-pazjenti pożittivi għall-influwenza li kellhom mard kroniku tal-qalb u/jew mard respiratorju, l- inċidenza kombinata ta' komplikazzjonijiet fil-parti t’isfel tal-passaġġ tan-nifs (prinċiparjament bronkite) li ġew ikkurati bl-antibijotiċi kienet ta' 17 % (22/133) fil-grupp li ngħata il-plaċebo u

14 % (16/118) fil-popolazzjoni kkurata b’oseltamivir (p = 0.5976).

Kura tal-influwenza f’nisa tqal: Ma sarux studji kliniċi kkontrollati dwar l-użu ta’ oseltamivir f’nisa tqal, madankollu hemm evidenza minn studji ta’ wara t-tqegħid fis-suq u minn studji ta’ osservazzjoni retrospettiva, li juru benefiċċju tal-kors ta’ dożaġġ attwali f’din il-popolazzjoni ta’ pazjenti f’termini ta’ morbożità/mortalità aktar baxxi. Riżultati minn analiżi farmakokinetika jindikaw espożizzjoni aktar baxxa għall-metabolit attiv, madankollu aġġustamenti fid-doża mhumiex rakkomandati għal nisa tqal fil-kura jew profilassi tal-influwenza (ara sezzjoni 5.2, Tagħrif farmakokinetiku, Popolazzjonijiet Speċjali).

Il-kura tal-influwenza fit-tfal: Fi studju li sar fuq tfal li kienu altrimenti f'saħħithom (65 % pożittivi għall-influwenza), ta' etajiet minn sena sa 12-il sena (età medja ta' 5.3 snin), li kellhom id-deni

( 37.8 C) flimkien ma' sogħla jew koriża, 67 % tal-pazjenti posittivi għall-influwenza kienu infettati bl-influwenza A u 33 % bl-influwenza B. Il-kura b’oseltamivir, li nbdiet fi żmien 48 siegħa minn mindu dehru s-sintomi, naqqset b’mod sinifikanti ż-żmien sal-ħelsien mill-marda (li hu definit bħala r-ritorn tal-pazjent f'sikktu u lura lejn l-attivitajiet normali tiegħu, u t-taffija tad-deni, tas-sogħla u tal-koriża) b'1.5 ġranet (95 % CI 0.6 – 2.2 jiem; p < 0.0001) imqabbel mal-plaċebo. Oseltamivir naqqas l-inċidenza ta' otite medja akuta minn 26.5 % (53/200) fil-grupp tal-plaċebo għal

16 % (29/183) fit-tfal ikkurati b’oseltamivir (p = 0.013).

It-tieni studju sar fuq 334 tifel u tifla ażżmatiċi ta' etajiet minn 6 snin sa 12-il sena li minnhom

53.6 % kienu posittivi għall-influenza. Fil-grupp ikkurat b’oseltamivir, il-perijodu medjan tal-marda ma tnaqasx b'mod sinifikanti. Sas-6 jum (l-aħħar jum tal-kura), l-FEV1 kien żdied b'10.8 % fil-grupp ikkurat b’oseltamivir mqabbel ma' 4.7 % fil-grupp tal-plaċebo (p = 0.0148) f'din il-popolazzjoni.

L-Aġenzija Ewropea għall-Mediċini ddifferit l-obbligu li jiġu ppreżentati r-riżultati tal-istudji b’Ebilfumin f’wieħed jew iktar settijiet tal-popolazzjoni pedjatrika dwar l-influwenza. Ara sezzjoni 4.2 għal informazzjoni dwar l-użu pedjatriku.

Prevenzjoni waqt epidemija ta’ influwenza fil-komunità: F'analiżi kkombinat ta' żewġ studji oħra li saru fuq adulti li ma kinux imlaqma iżda altrimenti b'saħħithom, 75 mg ta’ oseltamivir mogħti darba kuljum għal 6 ġimgħat naqqas b'mod sinifikanti l-inċidenza tal-marda tal-influwenza klinika minn 25/519 (4.8 %) fil-grupp tal-plaċebo għal 6/520 (1.2 %) fil-grupp ta' oseltamivir (tnaqqis ta' 76 %

[95 % CI 1.6 – 5.7; p = 0.0006]) wara tifqigħa tal-influwenza fil-komunità. L-NNT f'dan l-istudju kien ta' 28 (95 % CI 24 – 50). Studju li sar fuq ir-residenti tad-djar tal-anzjani, fejn 80 % tal-parteċipanti ħadu t-tilqima fl-istaġun li fih sar l-istudju, 75 mg oseltamivir mogħti darba kuljum għal 6 ġimgħat naqqas b’mod sinifikanti l-inċidenza tal-marda tal-influwenza klinika minn 12/272 (4.4 %) fil-grupp tal-plaċebo għal 1/276 (0.4 %) fil-grupp ta' oseltamivir (tnaqqis ta' 92 % [95 % CI 1.5 – 6.6; p = 0.0015]). L-NNT f'dan l-istudju kien 25 (95 % CI 23 – 62).

Profilassi tal-influwenza f’pazjenti immunokompromessi : Twettaq studju double-blind, ikkontrollat bil-plaċebo u randomised dwar il-profilassi staġunali tal-influwenza f’475 pazjent immunokompromess (388 pazjent bi trapjant ta’ organu solidu [195 plaċebo; 193 oseltamivir], 87 pazjent bi trapjant emopoetiku ta’ ċelluli staminali [43 plaċebo; 44 oseltamivir], l-ebda pazjent b’kundizzjonijiet immunosoppressanti oħrajn), inkluż 18-il tifel u tifla b’età minn sena sa 12-il sena. Il-mira primarja ta’ dan l-istudju kienet l-inċidenza ta’ influwenza klinika kkonfermata fil-laboratorju kif determinat minn koltura virali u/jew żjieda għal erba’ darbiet fl-antikorpi HAI. L-inċidenza ta’ influwenza klinika kkonfermata fil-laboratorju kienet 2.9 % (7/238) fil-grupp tal-plaċebo u 2.1 % (5/237) fil-grupp ta’ oseltamivir (95 % CI -2.3 % – 4.1 %; p = 0.772).

Ma sarux studji speċifiċi biex jiġi stmat it-tnaqqis fir-riskju ta' komplikazzjonijiet.

Reżistenza għal oseltamivir

Studji kliniċi: Ir-riskju ta’ żvilupp ta’ virusis tal-influwenza b’suxxettibilità mnaqqsa jew b’reżistenza ċara għal oseltamivir kien eżaminat waqt studji kliniċi sponsorjati minn Roche. Żvilupp ta’ virus b’reżistenza għal oseltamivit waqt it-trattement kien iktar frekwenti fi tfal milli adulti, b’medda ta’ inqas minn 1% fl-adulti għal 18% fi tfal ta’ inqas minn sena eta. Tfal li nstab li kellhom virus reżistenti għal oseltamivir, xerrdu il-virus għal perijodu itwal meta mqabbla ma suġġetti b’virus suxxettibli. Minkejja dan, reżistenza għal oseltamivir li tirriżulta mit-trattament ma’ affetwatx ir-rispons għat- trattament u ma kkawżatx titwil ta’ żmien b’sintomi ta’ l-influwenza.

* Ma kienx determinat il-ġenotip sħiħ fl-istudji kollha

Fi studji kliniċi magħmula sal-lum dwar il-prevenzjoni tal-influwenza f’pazjenti immunokompetenti wara espożizzjoni (sebat ijiem), wara espożizzjoni fi gruppi ta’ nies fl-istess dar (għaxart ijiem) u influwenza tal-istaġun (42 jum) ma kien hemm l-ebda evidenza ta’ żvilupp ta’ reżistenza għall- mediċina assoċjat mal-użu ta’ oseltamivir. Waqt studju ta’ 12-il ġimgħa dwar il-profilassi f’pazjenti mmunokompromessi, ma kienet osservata l-ebda reżistenza.

Dejta klinika u ta’ sorveljanza: Mutazzjonijiet naturali assoċjati ma’ suxxettibilità mnaqqsa għal oseltamivir in vitro instabu f’virusis tal-influwenza A u B iżolati minn pazjenti li ma kellhomx esponiment għal oseltamivir. Razez reżistenti magħżula waqt il-kura b’oseltamivir kienu iżolati kemm minn pazjenti immunokompetenti kif ukoll minn dawk immunokompromessi. Pazjenti immunokompromessi u tfal żgħar huma f’riskju akbar li jiżviluppaw virus reżistenti għal oseltamivir waqt il-kura.

Virusis reżistenti għal oseltamivir iżolati minn pazjenti kkurati b’oseltamivir u razez tal-laboratorju ta’ virusis tal-influwenza reżistenti għal oseltamivir instabu li għandhom mutazzjonijiet f’neuraminidases N1 u N2. Mutazzjonijiet ta’ reżistenza għandhom tendenza li jkunu speċifiċi għal sotto-tip ta’ virus.

Minn 2007 ġiet misjuba kultant mutazzjoni ta’ H275Y assoċjata ma’ reżistenza ta’ okkorenza naturali f’razez staġjonali ta’ H1N1. Is-suxxettibilità għal oseltamivir u l-prevalenza ta’ virusis bħal dawn

tidher li tvarja skont l-istaġun u b’mod ġeografiku. Fl-2008, H275Y instab f’> 99 % tal-iżolati tal- influwenza H1N1 fiċ-ċirkolazzjoni fl-Ewropa. L-influwenza H1N1 tal-2009 (“influwenza tal- ħnieżer”) kienet kważi suxxettibbli b’mod uniformi għal oseltamivir, b’rapporti sporadiċi biss ta’ reżistenza konnessi ma’ korsijiet terapewtiċi u profilattiċi.

5.2Tagħrif farmakokinetiku

Informazzjoni Ġenerali

Assorbiment

Oseltamivir jiġi assorbit sew mill-passaġġ gastrointestinali wara li oseltamivir phosphate (il- pro-droga) jittieħed mill-ħalq u jinbidel estensivament fil-metabolu attiv (oseltamivir carboxylate) priċipalment permezz ta' esterases epatiċi. Mhux anqas minn 75 % tad-doża orali tasal fiċ- ċirkolazzjoni sistemika bħala metabolu attiv. L-espożizzjoni għall-pro-droga hija ta' anqas minn 5 % meta mqabbla mal-metabolu attiv. Il-konċentrazzjonijiet fil-plażma kemm tal-pro-droga kif ukoll tal- metabolu attiv huma proporzjonali għad-doża u ma jagħmilx effett jekk jittieħed mal-ikel.

Distribuzzjoni

Il-volum medju tad-distribuzzjoni ta’ oseltamivir carboxylate fi stat fiss huwa ta' madwar 23 litru fil- bnedmin, liema volum huwa ekwivalenti għall-fluwidu ekstraċellulari tal-ġisem. Billi l-attività ta’ neuraminidase hija ekstraċellulari, oseltamivir carboxylate jitqassam fil-postijiet kollha fejn jinfirex il- virus tal-influwenza.

L-irbit ta’ oseltamivir carboxylate mal-proteina tal-plażma umana huwa negliġibbli (madwar 3 %).

Bijotrasformazzjoni

Oseltamivir jinbidel b’mod estensiv għal oseltamivir carboxylate permezz ta' esterases li fil-biċċa l-kbira tagħhom jinstabu fil-fwied. Studji in vitro wrew li la oseltamivir u lanqas il-metabolu attiv m'huma la inibituri u lanqas substrati għall-iżoformi prinċipali taċ-ċitokromju P450. L-ebda konjugat ta' fażi II ta' xi wieħed mis-sustanzi ma ġie identifikat in vivo.

Eliminazzjoni

Oseltamivir li jiġi assorbit jiġi primarjament (> 90 %) eliminat billi jibidel f’oseltamivir carboxylate. Dan ma jkomplix jiġi metabolizzat u jiġi eliminat fl-awrina. Il-konċentrazzjonijiet massimi ta' oseltamivir carboxylate fil-plażma jitbaxxew b’half-life ta' 6 sa 10 sigħat fil-biċċa l-kbira tal-individwi. Il-metabolu attiv jiġi eliminat kompletament billi jitneħħa mill-kliewi. It-tneħħija mill-kliewi (18.8 l/h) teċċedi r-rata ta' filtrazzjoni glomerulari (7.5 l/h) li jindika li sekrezzjoni tubulari sseħħ flimkien ma’ filtrazzjoni glomerulari. Inqas minn 20 % ta' doża orali, li kienet mmarkata b’sustanza radjuattiva, tneħħiet mal-ippurgar.

Popolazzjonijiet oħra speċjali

Popolazzjoni pedjatrika: Il-farmakokinetika, farmakodinamiċi u s-sigurtà tal-oseltamivir ġiet evalwata f'żewġ studji open-label li ma kienux ikkontrollati u li kienu jinkludu tfal b’età taħt is-sena (n-135), infettati bl-influwenza. Ir-rata ta' tneħħija tal-metabolit attiv, korretta għall- piż tal-ġisem, tonqos fl- etajiet taħt is-sena. Espożizzjonijiet metaboliċi huma wkoll aktar varjabbli fi trabi iżgħar . Id-dejta disponibbli tindika li l-espożizzjoni ta' wara doża ta' 3 mg / kg fi trabi minn 0 - 12 xahar ta’ età, turi li espożizzjoni għall-pro-droga u metaboliti hija mistennija li tkun effikaċi bi profil ta' sigurtà komparabbli ma' dik osservata fi tfal akbar u adulti li jużaw id-doża approvata (ara sezzjonijiet 4.1 u 4.2). L-avvenimenti avversi rrappurtati kienu konsistenti mal- profil tas-sigurtà stabbilit fi tfal akbar .

Ma hemmx tagħrif disponibbli għal trabi taħt is-sena għall-prevenzjoni wara li t-tarbija tkun esposta għall-influwenza . Prevenzjoni waqt epidemija ta' influwenza fil-komunità ma ġiex studjat fi tfal taħt it-12-il sena .

Prevenzjoni tal-influwenza wara espożizzjoni fi trabi ta’ età inqas minn sena waqt pandemija:

Simulazzjoni ta’ dożaġġ ta’ darba kuljum ta’ 3 mg/kg fi trabi ta’ < sena turi espożizzjoni fl-istess firxa jew ogħla minn dożaġġ darba kuljum ta’ 75 mg fl-adulti. L-espożizzjoni ma jaqbiżx dik ta’ trattament ta’ trabi ta’ < sena (3 mg/kg darbtejn kuljum) u hija mistennija li twassal għall-profil tas-sigurtà komparabbli (ara Sezzjoni 4.8). Ma sarux studji kliniċi ta’ profilassi fi trabi ta’ età < sena.

Trabi u tfal b’età ta’ sena jew aktar: Il-farmakokinetika ta' oseltamivir ġiet evalwata fi studji farmakokinetiċi b'dożi singoli fi trabi, tfal u adoloxxenti ta’ età minn sena sa 16-il sena. Il- farmakokinetika b'dożi multipli ġiet studjata f'numru żgħir ta' tfal li ħadu sehem fi studju dwar l- effikaċja klinika. It-tfal iż-żgħar neħħew kemm il-pro-droga kif ukoll il-metabolu attiv b'aktar ħeffa mill-adulti, li rriżulta f'espożizzjoni aktar baxxa għad-doża ta’ mg/kg li ngħatat. Dożi ta' 2 mg/kg jagħtu espożizzjoni ta' oseltamivir carboxylate komparabbli għal dik miksuba fl-adulti, li jieħdu doża waħda ta' 75 mg (madwar 1 mg/kg). Il-farmakokinetika ta' oseltamivir fi tfal u adoloxxenti b’età ta’ 12-il sena u aktar hija simili għal dik fl-adulti.

Anzjani

L-espożizzjoni għall-metabolu attiv fi stat fiss kienet minn 25 % sa 35 % ogħla fl-anzjani (età minn 65 sa 78 sena) meta mqabbla ma’ adulti b’età inqas minn 65 sena li ngħataw dożi komparabbli ta’ oseltamivir. Il-half-lives osservati fl-anzjani kienu simili għal dawk li dehru f’adulti żgħażagħ. Fuq bażi ta’ espożizzjoni u tolleranza għall-mediċina, m’hemmx bżonn ta’ aġġustament fid-doża għall- pazjenti anzjani sakemm ma jkunx hemm evidenza ta’ indeboliment renali moderat jew sever (tneħħija tal-krejatinina inqas minn 60 ml/min) (ara sezzjoni 4.2).

Indeboliment renali

Għoti ta’ 100 mg oseltamivir phosphate darbtejn kuljum għal ħamest ijiem lil pazjenti b’diversi gradi ta’ indebolimenti renali wera li l-espożizzjoni għal oseltamivir carboxylate hija proporzjonali b’mod invers għal tnaqqis fil-funzjoni tal-kliewi. Għad-dożaġġ, ara sezzjoni 4.2.

Indeboliment epatiku

Studji in vitro kkonkludew li espożizzjoni għal oseltamivir mhux mistennija li tiżdied b’mod sinifikanti u espożizzjoni għall-metabolu attiv mhux mistennija li tonqos b’mod sinifikanti f’pazjenti b’indeboliment epatiku (ara sezzjoni 4.2).

Nisa Tqal

Analiżi globali tal-farmakokinetika tal-popolazzjoni tindika li l-kors ta’ dożaġġ ta’ Ebilfumin deskritt fis-Sezzjoni 4.2 Pożoloġija u metodu ta’ kif għandu jingħata jwassal għal esponiment aktar baxx (medja ta’ 30% tul it-trimestri kollha) għall-metabolit attiv f’nisa tqal meta mqabbel ma’ nisa mhux tqal. Madankollu, l-esponiment aktar baxx imbassar jibqa’ ’l fuq mill-konċentrazzjonijiet inibitorji (valuri IC95) u f’livell terapewtiku għal firxa ta’ razez ta’ virusis tal-influwenza. Barra dan, hemm evidenza minn studji ta’ osservazzjoni li juru benefiċċju tal-kors ta’ dożaġġ attwali f’din il- popolazzjoni ta’ pazjenti. Għalhekk, aġġustamenti fid-doża mhumiex rakkomandati għal nisa tqal fil- kura jew profilassi tal-influwenza (ara sezzjoni 4.6 Fertilità, tqala u treddigħ).

5.3Tagħrif ta’ qabel l-użu kliniku dwar is-sigurtà

Tagħrif ta’ qabel l-użu kliniku bbażat fuq studji konvenzjonali ta’ sigurtà farmakoloġika, effett tossiku minn dożi ripetuti, effett tossiku fuq il-ġeni, ma juri l-ebda periklu speċjali għall-bnedmin. Ir-riżultati tal-istudji konvenzjonali dwar il-karċinoġeniċità magħmula fuq ir-rodenti, urew tendenza lejn żjieda dipendenti mid-doża, fl-inċidenza ta' xi tumuri li huma tipiċi għar-razez ta’ rodenti li ntużaw. Meta jiġu kkunsidrati l-marġni ta' espożizzjoni mqabbla mal-espożizzjoni mistennija fl-użu mill-bnedmin, dawn is-sejbiet ma jbiddlux il-benefiċċji u r-riskji ta’ Ebilfumin fl-indikazzjonijiet terapawtiċi aċċettati tiegħu.

Twettqu studji dwar l-effett teratoġeniku fuq il-firien u l-fniek li ngħataw dożi sa 1,500 mg/kg/jum u 500 mg/kg/jum, rispettivament. Ma kienux osservati effetti fuq l-iżvilupp tal-feti. Fi studju dwar il- fertilità tal-firien li ngħataw doża sa 1,500 mg/kg/jum ma kienux osservati reazzjonijiet avversi fuq l- ebda wieħed mis-sessi. Fi studju li sar kemm qabel kif ukoll wara t-twelid fuq il-firien, ġie nnotat li l- proċess tat-twelid ittawwal meta ngħataw 1,500 mg/kg/jum; il-marġni ta' sigurtà bejn l-espożizzjoni

umana u l-ogħla doża li ma ħalliet l-ebda effett (500 mg/kg/jum) fil-ġrieden hija ta' 480 darba għal oseltamivir u ta' 44 darba għall-metabolu attiv, rispettivament. L-espożizzjoni tal-feti tal-firien u tal- fniek kienet ta' madwar 15 sa 20 % ta' dik tal-omm.

F’firien li jkunu qed ireddgħu, oseltamivir u l-metabolu attiv jiġu eliminati fil-ħalib. Dejta limitata tindika li oseltamivir u l-metabolit attiv tiegħu jiġu eliminati fil-ħalib uman. Estrapolazzjoni ta’ dejta dwar l-annimali twassal għal stimi ta' 0.01 mg/jum u 0.3 mg/jum rispettivament għaż-żewġ sustanzi rispettivi.

F'test ta' “massimizzazzjoni” fuq il-fniek tal-Indi ġiet osservata l-possibbilta’ ta' sensitizzazzjoni fil- ġilda b’oseltamivir. Wara li l-annimali li ngħataw il-mediċina reġgħu ngħataw is-sustanza attiva mhux formulata, dehret eritema f'madwar 50 % tal-annimali. Ġiet osservata wkoll xi irritazzjoni riversibbli f'għajnejn il-fniek.

Filwaqt li l-għoti tal-melħ ta’ oseltamivir phosphate bħala doża orali waħda għolja ħafna, sal-ogħla doża ttestjata (1,310 mg/kg), ma kellu l-ebda reazzjoni avvera fuq firien adulti, dożi bħal dawn wasslu għal tossiċità fi frieħ tal-firien żgħar, ta’ 7 ijiem, inkluż mewt. Dawn ir-reazzjonijiet kienu osservati b’dożi ta’ 657 mg/kg jew aktar. Ma kienux osservati reazzjonijiet avversi b’500 mg/kg, inkluż waqt kura kronika (500 mg/kg/kuljum mogħtija minn 7 sa 21 ġurnata wara t-twelid).

6.TAGĦRIF FARMAĊEWTIKU

6.1Lista ta’ eċċipjenti

Ebilfumin 30 mg kapsuli ibsin

Qalba tal-kapsula

Pregelatinised starch (derivat minn maize starch)

Talc

Povidone (K-29/32)

Croscarmellose sodium

Sodium stearyl fumarate

Qoxra tal-kapsula-

Gelatin

Iron oxide isfar (E172)

Titanium dioxide (E171)

Titanium dioxide (E171)

Linka għall-istampar

Shellac Glaze -45% (20% esterifikat)

Iron Oxide iswed (E172)

Propylene glycol (E1520)

Ammonium hydroxide 28% (E527)

Ebilfumin 45 mg kapsuli ibsin

Qalba tal-kapsula

Pregelatinised starch (derivat minn maize starch)

Talc

Povidone (K-29/32)

Croscarmellose sodium

Sodium stearyl fumarate

Qoxra tal-kapsula-

Gelatin

Titanium dioxide (E171)

6.6Prekawzjonijiet speċjali li għandhom jittieħdu meta jintrema u għal immaniġġar ieħor

Kull fdal tal-prodott mediċinali li ma jkunx intuża jew skart li jibqa’ wara l-użu tal-prodott għandu jintrema kif jitolbu l-liġijiet lokali.

Formulazzjoni improvizzata

Meta oseltamivirtrab għal suspensjoni orali ma jkunx disponibbli

Trab oseltamivir manifatturat kummerċjalment għal suspensjoni orali (6 m /ml) huwa l-prodott preferuta għal pazjenti pedjatriċi u adulti li għandhom diffikultajiet biex jibilgħu kapsuli jew fejn huma meħtieġa dożi aktar baxxi . F’każ li t-trab oseltamivir għal suspensjoni orali manifatturat b’mod kummerċjali ma jkunx disponibbli, l-ispiżjar jista’ jagħmel suspensjoni (6 mg/ml ) minn kapsuli Ebilfumin jew nkella il-pazjenti jistgħu jippreparaw is-sospensjoni mill-kapsuliid-dar.

Il-preparazzjoni magħmula fl-ispiżerija għandha tkun ippreferuta minn preparazzjoni magħmula d-dar. Informazzjoni dettaljata dwar preparazzjoni magħmula d-dar tista’ tinstab fil-fuljett ta’ tagħrif tal- kapsuli ta’ Ebilfumin taħt “Preparazzjoni tal-likwiduEbilfumin id-dar”.

Siringi ta’ volum u gradazzjoni xierqa għandhom jiġu pprovduti għall-għoti tas-suspensjoni magħmula fl-ispiżerija kif ukoll għall-proċeduri nvoluti fil-preparazzjoni magħmula d-dar. Fiż-żewġ każijiet, il- volumi korretti preferibbilment għandhom jiġu mmarkati fuq is-siringi.

Preparazzjoni fl-ispiżerija

Suspensjoni ta’ 6 mg/ml imħallta fl-ispiżerija ppreparata minn kapsuli

Adulti, adoloxxenti u trabi u tfal b’età ta’ sena jew aktar li ma jistgħux jibilgħu kapsuli intatti

Din il-proċedura tiddeskrivi l-preparazzjoni ta’ suspensjoni ta’ 6 mg/ml li ser tipprovdi pazjent wieħed b’mediċina biżżejjed għall-kors ta’ kura ta’ 5 ijiem jew kors ta’ profilassi ta’ 10 ijiem.

L-ispiżjar jista’ jħallat suspensjoni ta’ 6 mg/ml minn kapsuli Ebilfumin ta’ 30 mg, 45 mg jew 75 mg bl-użu ta’ ilma li għandu miżjud 0.05% w/v sodium benzoate bħala preservattiv.

L-ewwel, ikkalkula il-volum totali meħtieġ li għandu jiġi mħallat u mgħoti biex jipprovdi kors ta’ kura ta’ 5 ijiem jew kors ta’ profilassi ta’ 10 ijiem għall-pazjent. Il-volum totali meħtieġ huwa determinat mill-piż tal-pazjent skont ir-rakkomandazzjoni fit-tabella isfel. Biex tippermetti li jinġibed volum preċiż sa 10 dożi (2 ġibdiet għal kull doża ta’ kura ta’ kuljum għal 5 ijiem), għandha tiġi kkunsidrata l- kolonna li tindika t-telf tal-kejl biex tiġi mħallta.

Volum ta’ suspensjoni ta’ 6 mg/ml imħallta fl-ispiżerija ppreparata skont il-piż tal-pazjent

* Skont il-qawwa tal-kapsula użata.

Fit-tieni pass, iddetermina in-numru ta’ kapsuli u l-ammont ta’ likwidu (ilma li għandu miżjud 0.05% w/v sodium benzoate bħala preservattiv) meħtieġa għall-preparazzjoni tal-volum totali (ikkalkulat mit-tabella fuq) tas-suspensjoni ta’ 6 mg/ml imħallta fl-ispiżerija kif muri fit-tabella taħt:

Numru ta’ kapsuli u l-ammont ta’ likwidu meħtieġa għall-preparazzjoni tal-volum totali ta’ suspensjoni ta’ 6 mg/ml imħallta fl-ispiżerija

*M’hemmx taħlita ta’ din il-qawwa ta’ kapsuli li tista’ tintuża biex tintlaħaq il-konċentrazzjoni immirata; għalhekk, jekk jogħġbok uża kapsuli ta’ qawwa oħra.

Fit-tielet pass, segwi l-proċedura taħt biex tiġi mħallta s-suspensjoni ta’ 6 mg/ml mill-kapsuli Ebilfumin:

1.F’buqar tal-ħġieġ ta’ daqs adattat poġġi l-ammont iddikjarat ta’ ilma li għandu miżjud 0.05 % w/v sodium benzoate bħala preservattiv.

2.Iftaħ l-ammont iddikjarat ta’ kapsuli Ebilfumin u ttrasferixxi l-kontenut ta’ kull kapsula direttament ġol-ilma ippreservat fil-buqar tal-ħġieġ.

3.B’mezz adattat biex tħawwad, ħawwad għal żewġ minuti.

(Nota: Is-sustanza mediċinali, oseltamivir phosphate, tinħall malajr fl-ilma. Is-suspensjoni hija kkawżata minn xi eċċipjenti tal-kapsuli Ebilfumin li ma jinħallux.)

4.Ittrasferixxi s-suspensjoni ġo flixkun tal-ħġieġ ta’ lewn kannella jew flixkun ta’ polyethyleneterephthalate (PET) ta’ lewn kannella. Jista’ jintuża lenbut biex jiġi eliminat kull tixrid.

5.Għalaq il-flixkun permezz ta’ għatu reżistenti għat-tfal.

6.Poġġi tikketta oħra fuq il-flixkun li tindika “Ħawwad bil-Mod Qabel l-Użu”.

(Nota: Din is-suspensjoni mħallta għandha titħawwad bil-mod qabel l-għoti biex titnaqqas t- tendenza li tinqabad l-arja ġewwa.)

7.Għarraf lill-ġenituri jew lill-persuna li qed tieħu ħsieb lill-pazjent li kull materjal li jibqa’ wara li tintemm it-terapija għandu jintrema. Huwa rrakkomandat li din l-informazzjoni tiġi pprovduta permezz ta’ tikketta oħra imwaħħla mal-flixkun jew billi żżid stqarrija fuq it-tikketta bl- istruzzjonijiet tal-ispiżerija.

8.Skont il-kundizzjonijiet ta’ ħażna (ara sezzjoni 6.3), waħħal tikketta xierqa bid-data ta’ skadenza.

Waħħal tikketta tal-ispiżerija fuq il-flixkun li tinkludi l-isem tal-pazjent, istruzzjonijiet għad-dożaġġ, data sa meta għandu jintuża, isem il-prodott mediċinali u kull informazzjoni meħtieġa oħra biex tkun

taqbel mar-regolamenti farmaċewtiċi lokali. Irreferi għat-tabella isfel għall-istruzzjonijiet xierqa ta’ dożaġġ.

Tabella ta’ dożaġġ għas-suspensjoni ta’ 6 mg/ml imħallta fl-ispiżerija ppreparata minn kapsuli Ebilfumin għal trabi u tfal b’età ta’ sena jew aktar

Għati s-suspensjoni mħallta fl-ispiżerija b’siringa orali mmarkata bi gradi biex jiġu mkejjla ammonti żgħar ta’ suspensjoni. Jekk possibbli, immarka il-grada li tikkorrispondi għad-doża xierqa (skont it- tabella ta’ dożaġġ fuq) fuq is-siringa orali għal kull pazjent.

Id-doża xierqa għandha titħallat mill-persuna li qed tieħu ħsieb lill-pazjent ma’ kwantità ugwali ta’ ikel likwidu b’togħma ħelwa, bħall-ilma biz-zokkor, ġulepp taċ-ċikkulata, ġulepp taċ-ċirasa u toppings għad-deżerta (bħall-ġulepp tal-karamella jew fudge), biex tinħeba t-togħma morra.

Trabi b’età inqas minn sena

Din il-proċedura tiddeskrivi l-preparazzjoni ta’ suspensjoni ta’ 6 mg/ml li ser tipprovdi pazjent wieħed b’medikazzjoni biżżejjed għall-kors ta’ kura ta’ 5 ijiem jew kors ta’ profilassi ta’ 10 ijiem.

L-ispiżjar jista’ jħallat suspensjoni ta’ 6 mg/ml minn kapsuli Ebilfumin ta’ 30 mg, 45 mg jew 75 mg bl-użu ta’ ilma li għandu miżjud 0.05% w/v sodium benzoate bħala preservattiv.

L-ewwel, ikkalkula il-volum totali meħtieġ li għandu jiġi mħallat u mgħoti lil kull pazjent. Il-volum totali meħtieġ huwa determinat mill-piż tal-pazjent kif irrakkomandat fit-tabella taħt. Biex tippermetti li jinġibed volum preċiż sa 10 dożi (2 ġibdiet għal kull doża ta’ kura ta’ kuljum għal 5 ijiem), għandha tiġi kkunsidrata l-kolonna li tindika t-telf tal-kejl biex tiġi mħallta.

Volum ta’ suspensjoni ta’ 6 mg/ml imħallta fl-ispiżerija ppreparata skont il-piż tal-pazjent

* Skont il-qawwa tal-kapsula użata.

Fit-tieni pass, iddetermina n-numru ta’ kapsuli u l-ammont ta’ likwidu (ilma li fih 0.05% w/v sodium benzoate bħala preservattiv) meħtieġa biex ikun ippreparat il-volum totali (ikkalkutat mit-tabella fuq) tas-suspensjoni ta’ 6 mg/ml imħallta fl-ispiżerija kif muri fit-tabella taħt:

Numru ta’ kapsuli u l-ammont ta’ likwidu meħtieġa għall-preparazzjoni tal-volum totali ta’ suspensjoni ta’ 6 mg/ml imħallta fl-ispiżerija

*M’hemmx taħlita ta’ din il-qawwa ta’ kapsuli li tista’ tintuża biex tintlaħaq il-konċentrazzjoni immirata; għalhekk, jekk jogħġbok uża kapsuli ta’ qawwa oħra.

Fit-tielet pass, segwi l-proċedura isfel biex tiġi mħallta s-suspensjoni ta’ 6 mg/ml mill-kapsuli Ebilfumin:

1.F’buqar tal-ħġieġ ta’ daqs adattat poġġi l-ammont iddikjarat ta’ ilma li għandu miżjud 0.05 % w/v sodium benzoate bħala preservattiv.

2.Iftaħ l-ammont iddikjarat ta’ kapsuli Ebilfumin u ttrasferixxi l-kontenut ta’ kull kapsula direttament ġol-ilma ippreservat fil-buqar tal-ħġieġ.

3.B’mezz adattat biex tħawwad, ħawwad għal żewġ minuti.

(Nota: Is-sustanza mediċinali, oseltamivir phosphate, tinħall malajr fl-ilma. Is-suspensjoni hija kkawżata minn xi eċċipjenti tal-kapsuli Ebilfumin li ma jinħallux.)

4.Ittrasferixxi s-suspensjoni ġo flixkun tal-ħġieġ ta’ lewn kannella jew flixkun ta’ polyethyleneterephthalate (PET) ta’ lewn kannella. Jista’ jintuża lenbut biex jiġi eliminat kull tixrid.

5.Għalaq il-flixkun permezz ta’ għatu reżistenti għat-tfal.

6.Poġġi tikketta oħra fuq il-flixkun li tindika “Ħawwad bil-Mod Qabel l-Użu”.

(Nota: Din is-suspensjoni mħallta għandha titħawwad bil-mod qabel l-għoti biex titnaqqas t- tendenza li tinqabad l-arja ġewwa.)

7.Għarraf lill-ġenituri jew lill-persuna li qed tieħu ħsieb lill-pazjent li kull materjal li jibqa’ wara li tintemm it-terapija għandu jintrema. Huwa rrakkomandat li din l-informazzjoni tiġi pprovduta permezz ta’ tikketta oħra imwaħħla mal-flixkun jew billi żżid stqarrija fuq it-tikketta bl- istruzzjonijiet tal-ispiżerija.

8.Skont il-kundizzjonijiet ta’ ħażna (ara sezzjoni 6.3), waħħal tikketta xierqa bid-data ta’ skadenza.

Waħħal tikketta tal-ispiżerija fuq il-flixkun li tinkludi l-isem tal-pazjent, istruzzjonijiet għad-dożaġġ, data sa meta għandu jintuża, isem tal-prodott mediċinali u kull informazzjoni meħtieġa oħra biex tkun taqbel mar-regolamenti farmaċewtiċi lokali. Irreferi għat-tabella taħt għall-istruzzjonijiet xierqa ta’ dożaġġ.

Tabella ta’ dożaġġ għas-suspensjoni ta’ 6 mg/ml imħallta fl-ispiżerija ppreparata minn kapsuli Ebilfumin għal trabi b’età minn (età inqas minn sena)

Għati s-suspensjoni mħallta fl-ispiżerija b’siringa orali mmarkata bi gradi biex jiġu mkejjla ammonti żgħar ta’ suspensjoni. Jekk possibbli, immarka il-grada li tikkorrispondi għad-doża xierqa (skont it- tabelli ta’ dożaġġ fuq) fuq is-siringa orali għal kull pazjent.

Id-doża xierqa għandha titħallat mill-persuna li qed tieħu ħsieb lill-pazjent ma’ kwantità ugwali ta’ ikel likwidu b’togħma ħelwa, bħall-ilma biz-zokkor, ġulepp taċ-ċikkulata, ġulepp taċ-ċirasa u toppings għad-deżerta (bħall-ġulepp tal-karamella jew fudge), biex tinħeba t-togħma morra.

Preparazzjoni d-dar

Meta it-trab oseltamivir għal suspensjoni orali manifatturat b’mod kummerċjali ma jkunx disponibbli, għandha tintuża suspensjoni mħallta fl-ispiżerija ppreparata minn kapsuli ta’ Ebilfumin (ara l- istruzzjonijiet dettaljati fuq). Jekk kemm it-trab oselvatimir għal suspensjoni orali manifatturat b’mod kummerċjali, kif ukoll is-suspensjoni mħallta fl-spiżerija ma jkunu disponibbli, suspensjoni ta’ Ebilfumin tista’ tiġi ppreparata id-dar.

Meta jkunu disponibbli qawwiet ta’ kapsula adattati għad-doża meħtieġa, id-doża tingħata billi tinfetaħ il-kapsula u l-kontent tagħha jiġi mħallat ma’ mhux aktar minn kuċċarina waħda ta’ ikel b’togħma ħelwa. It-togħma morra tista’ tinħeba bi prodotti bħall-ilma biz-zokkor, ġulepp taċ-ċikkulata, ġulepp taċ-ċirasa u toppings għad-deżerta (bħall-ġulepp tal-karamella jew fudge). It-taħlita għandha titħawwad u l-kontenut kollu għandu jingħata lill-pazjent. Wara li tiġi ppreparata, t-taħlita għandha tittieħed minnufih.

Meta jkun hemm disponibbli kapsuli ta’ 75 mg biss u jkunu meħtieġa dożi ta’ 30 mg jew 45 mg, il- preparazzjoni tas-suspensjoni Ebilfumin tinvolvi passi addizzjonali. Istruzzjonijiet dettaljati jistgħu jinstabu fil-fuljett ta’ tagħrif tal-kapsuli ta’ Ebilfumin taħt “Preparazzjoni likwida ta’ Ebilfumin id-dar”.

7.DETENTUR TAL-AWTORIZZAZZJONI GĦAT-TQEGĦID FIS-SUQ

Actavis Group PTC ehf. Reykjavíkurvegur 76-78 220 Hafnarfjörður Islanda

8.NUMRU(I) TAL-AWTORIZZAZZJONI GĦAT-TQEGĦID FIS-SUQ

Ebilfumin 30 mg kapsuli ibsin

EU/1/14/915/001 (10 folji capsuli iebsin)

EU/1/14/915/002 (10 kontenitur capsuli iebsin)

Ebilfumin 45 mg kapsuli ibsin

EU/1/14/915/003 (10 kontenitur ta l-kapsuli ibsin)

EU/1/14/915/004 (10 folja tal-kapsuli ibsin)

Ebilfumin 75 mg kapsuli ibsin

EU/1/14/915/005 (10 kontenitur ta l-kapsuli ibsin)

EU/1/14/915/006 (10 folja tal-kapsuli ibsin)

9.DATA TAL-EWWEL AWTORIZZAZZJONI/TIĠDID TAL-AWTORIZZAZZJONI

Data ta’ l-ewwel awtorizzazzjoni: 22 Mejju 2014

10.DATA TA’ REVIŻJONI TAT-TEST

Informazzjoni dettaljata dwar dan il-prodott mediċinali tinsab fuq is-sit elettroniku tal-Aġenzija Ewropea għall-Mediċini http://www.ema.europa.eu